Çiyələyin yaşıl hissəsi, yəni çanaq yarpaqları və saplağı qida üçün yararlıdır və zəhərli deyil. Onların tərkibində antioksidantlar və C vitamini mövcuddur. Lakin bu hissənin dadı bir qədər acı olduğuna görə hər kəs tərəfindən sevilməyə bilər.
AvroMedia.Az bu barədə xarici mediaya istinadla xəbər verir. Diyetoloq Çelsi Edvards bildirir ki, çiyələyin yarpaqları və saplağı yalnız yeməli deyil, həm də faydalıdır. Yaşıl hissədə C vitamini olsa da, onun miqdarı meyvənin özündə daha çoxdur. Bununla yanaşı, yarpaqlarda meyvə ilə müqayisədə daha çox polifenol olur. Bu maddələr orqanizmdə antioksidant kimi fəaliyyət göstərərək xərçəng, ürək-damar xəstəlikləri və diabet riskinin azalmasına kömək edə bilər. Eyni zamanda, polifenollar iltihabəleyhinə təsir göstərir.
Çiyələyin yarpaqları ilə birlikdə istifadəsi güclü antioksidant təsirə malikdir, həmçinin antibakterial və göbələk əleyhinə xüsusiyyətlər göstərir və iltihabı azalda bilər.
Mütəxəssislər bildirir ki, çiyələyin yaşıl hissəsini yemək istəyənlər onu mütləq yaxşıca yumağa diqqət etməlidirlər. Çiyələyi yarpaqları ilə birlikdə yemək mümkündür. Həmçinin blenderdə smuzi hazırlanarkən yarpaqları ilə birlikdə istifadə etmək olar. Bu zaman dadı demək olar hiss olunmur, lakin lif miqdarı artır.Bununla belə, bəzi hallarda çiyələyin yaşıl hissəsini yemək tövsiyə olunmur. Əgər meyvə pestisidlərlə işlənibsə, yaşıl hissədə bu maddələr daha çox toplana bilər. Həmçinin dadı xoşagəlməz olduqda istifadə edilməməsi məsləhətdir.
Bəzi insanlar üçün bu hissənin qəbulu uyğun deyil. Mədə problemi olan şəxslərdə, xüsusilə qastrit və ya xora zamanı yarpaqlardakı maddələr selikli qişanı qıcıqlandıra bilər. Kiçik uşaqlar üçün də bu hissə çətin həzm olunduğundan narahatlıq yarada bilər. Əgər çiyələyin keyfiyyəti şübhəlidirsə və ya qeyri-orqanikdirsə, yaşıl hissəni kəsmək daha təhlükəsiz sayılır. Həmçinin fərdi həssaslıq olan insanlarda istifadə zamanı ürəkbulanma və ya narahatlıq yaranarsa, bu hissəni yeməkdən imtina etmək lazımdır.
Ümumilikdə, mütəxəssislər qeyd edir ki, çiyələyin yaşıl hissəsi təhlükəli deyil, lakin onun istifadəsi insanın zövqündən və sağlamlıq vəziyyətindən asılıdır.
06 İyun ULDUZ FALI: Yaradıcılıqla məşğul olanlar üçün uğurlu gündür
Hər gün 2 ədəd xiyar yeməyə 5 səbəb.
Dünyanın ən bahalı şirkətinin rəhbəri işçilərinin maaşından DANIŞDI
“Bir tacir qızının xatirəsinə” – Gülüstan türbəsinin unudulmuş hekayəsi
Qurban Qurbanov Allahverdi Bağırovun məzarını ziyarət etdi.
Bu universitetdə təhsil haqqı 2000 manat
Minifutbol üzrə ikiqat Avropa çempionu olan Azərbaycan millisi Vətənə qayıtdı
Yağıntılı hava şəraiti nə vaxtadək davam edəcək?
"Doğuş evi dağıdıb-tökməsin, başqa heç nə istəmirəm"
Su təsərrüfatı və meliorasiya işçiləri təltif edilib
Mehriban Əliyeva Azərbaycan millisini təbrik etdi