İspaniyanın El Byerso bölgəsində yerləşən San Fakundo kəndi azsaylı əhalisinə baxmayaraq, turizm sahəsində uğurlu model kimi ön plana çıxır.
AvroMedia.Az xəbər verir ki, cəmi 16 nəfərin yaşadığı kənd hər il təxminən 25 min turist qəbul edir.Dağlıq ərazidə yerləşən bu yaşayış məntəqəsi müasir infrastruktur və təbii mühitin qorunması ilə Avropada kənd turizmi istiqamətləri arasında özünə yer qazanıb. San Fakundo ziyarətçilərə həm sakitlik, həm də müxtəlif imkanlar təqdim edir.
Kənddə yerli idarəetmənin təşəbbüsü ilə pulsuz “Wi-Fi”, müasir işıqlandırma və səhiyyə məsləhəti kimi xidmətlər təmin olunur. Eyni zamanda, 1980-ci illərdən fəaliyyət göstərən ənənəvi restoranlar, təbiətlə əhatə olunmuş çay çimərliyi və gəzinti marşrutları kəndin cazibəsini artırır.Son 30 ildə kəndin inkişafında keçmiş mədənçi və mer Rikardo Vilanın idarəetmə yanaşması mühüm rol oynayıb. Onun strategiyası kəndi kütləvi turizm mərkəzinə çevirməkdən çox, sakinlərin həyat keyfiyyətini yaxşılaşdırmağa yönəlib. Bu yanaşma isə dolayısı ilə bölgəni sakit və təbii istirahət axtaran turistlər üçün cəlbedici edib.
Kənd həmçinin Las Medulas, Vilafranka del Byerso və Ankares dağları kimi məşhur turizm məkanlarına yaxın yerləşməsi ilə də diqqət çəkir. Təbii çayları və meşələri ilə San Fakundo ilin bütün fəsillərində qonaqları cəlb edir və İspaniyanın az tanınan kənd irsinin nümunəsi hesab olunur.
06 İyun ULDUZ FALI: Yaradıcılıqla məşğul olanlar üçün uğurlu gündür
Hər gün 2 ədəd xiyar yeməyə 5 səbəb.
Dünyanın ən bahalı şirkətinin rəhbəri işçilərinin maaşından DANIŞDI
“Bir tacir qızının xatirəsinə” – Gülüstan türbəsinin unudulmuş hekayəsi
Qurban Qurbanov Allahverdi Bağırovun məzarını ziyarət etdi.
Bu universitetdə təhsil haqqı 2000 manat
Minifutbol üzrə ikiqat Avropa çempionu olan Azərbaycan millisi Vətənə qayıtdı
Yağıntılı hava şəraiti nə vaxtadək davam edəcək?
"Doğuş evi dağıdıb-tökməsin, başqa heç nə istəmirəm"
Su təsərrüfatı və meliorasiya işçiləri təltif edilib
Mehriban Əliyeva Azərbaycan millisini təbrik etdi