Ramazandan sonra necə qidalanmaq lazımdır?

Ramazan ayının başa çatması ilə orqanizmin adi qidalanma rejiminə keçidi diqqətlə tənzimlənməlidir.

AvroMedia.az xəbər verir ki, mütəxəssislər bildiriblər ki, uzun müddət oruc tutduqdan sonra birdən-birə ağır və yağlı qidalara üstünlük vermək həzm problemlərinə səbəb ola bilər.

Qeyd olunur ki, ilk günlərdə qidalanma yüngül və balanslı olmalıdır. Səhər yeməyində zülal və liflə zəngin qidalara yumurta, süd məhsulları, tərəvəz və tam taxıllara üstünlük verilməsi tövsiyə edilir.

Bu gün ərzində isə az-az, lakin tez-tez qidalanmaq orqanizmin uyğunlaşmasını asanlaşdırır.

Həkimlər bildiriblər ki, qızardılmış və həddindən artıq şirin qidalardan uzaq durmaq vacibdir. Bunun əvəzinə qaynadılmış və ya buğda hazırlanmış yeməklər seçilməlidir. Eyni zamanda, su balansının bərpası üçün gün ərzində kifayət qədər maye qəbul etmək tövsiyə olunur.

Mütəxəssislərin sözlərinə görə, meyvə və tərəvəzlərin gündəlik rasionda artırılması, həmçinin fiziki aktivliyin tədricən bərpası sağlamlığın qorunmasına kömək edir.

Qidalanma rejiminə düzgün keçid orqanizmin yorğunluğunu azaltmaqla yanaşı, həzm sisteminin normal fəaliyyətini dəstəkləyir.Milli.az