“Qarabağ” – APOEL oyunu: Nə qədər bilet satılıb?
Tarix: 9-08-2019, 14:01
Baxılıb: 1 145

“Qarabağ” – APOEL oyunu: Nə qədər bilet satılıb?

9-08-2019, 14:01

UEFA Çempionlar Liqasının 2019-2020-ci il mövsümünün üçüncü təsnifat mərhələsi çərçivəsində Ağdamın “Qarabağ” və Kiprin APOEL klubları arasında avqustun 13-də Bakıda keçiriləcək cavab matçına indiyədək 8 min bilet satılıb.
Avromedia.az xəbər verir ki, biletlərin qiymətləri sektorlardan asılı olaraq 2, 5, 10 və 50 manatdan təklif edilir. Biletləri Tofiq Bəhramov adına Respublika Stadionunun kassalarından, “Gənclik Mall”, “28 Mall” və “Park Bulvar” ticarət mərkəzlərindəki “İticket” satış məntəqələrindən, 2 və 3 saylı ASAN Xidmət mərkəzlərindən və “iticket.az” saytından əldə etmək mümkündür.
Tofiq Bəhramov adına Respublika Stadionunda keçiriləcək qarşılaşma saat 20:30-da başlayacaq.
Xatırladaq ki, birinci görüşdə “Qarabağ” səfərdə APOEL komandasını 2:1 hesabı ilə məğlub edib.
скачать dle 12.1

FACEBOOK ŞƏRH YAZ