Uşağın əmgəyindən əl çəkin - Həkimdən valideynlərə ÇAĞIRIŞ
Tarix: 9-11-2019, 18:50
Baxılıb: 1 128
Google+ Paylaş
Tumblr Paylaş

Uşağın əmgəyindən əl çəkin - Həkimdən valideynlərə ÇAĞIRIŞ

9-11-2019, 18:50

Bu gün bir çox valideyni narahat edən mövzulardan biri körpənin əmgəyinin böyük və ya kiçik olmasıdır.

Bəzi pediatrlar tam sağlam uşaqlara yalnız əmgəyin ölçülərinə görə səbəbsiz olaraq müalicələr və pəhrizlər təyin edir.

Avromedia.az həkim infeksionist Həmid Hacıağayevin bu problem barədə maraqlı və sərt açıqlamasını təqdim edir.

Həkim valideynləri körpənin əmgəyini rahat buraxmağa çağırıb.

"Körpənin əmgəyi böyükdür, raxitdəndir, müalicə etmək lazımdır". Yaxud "Körpənin əmgəyi çox kiçikdir, bütün süd məhsullarını rasiondan çıxarmaq və filan siropu içməyə başlamaq lazımdır ki, əgməyin bağlanması geciksin".

Sizcə bu cür sözlərdən sonra körpənin valideynləri rahat ola bilərlərmi?

Bundan başqa xəstəliyin hələ digər "əlamətlərini" də sadalayırlar:
körpə az yatır,

- körpə çox aktivdir (çox hərəkətlidir);

- xəstədir - əmgəyi tez bağlandığı üçün beyin təzyiqi çoxdur və s.

Məsləhət №1: bu cür pediatra rast gəldiyiniz zaman körpənizi də götürüb ondan mümkün qədər uzaqlaşın.

Məsləhət №2: körpənin əmgəyini ölçməyin, çünki 3 ayında da, 1,5 yaşda da (və daha gec) bağlanması - normaldır.

Məsləhət №3: əgər körpəniz sağlamdırsa, oynayır, gülümsəyir və aktivdirsə - əmgəyindən əl çəkin.

Məsləhət №4: qəti şəkildə uşağı süd məhsullarından məhrum etməyin, çünki onların əmgəyin bağlanmasına aidiyyatı yoxdur.

Əziz valideynlər, əmgəyin ölçüsünün kiçik, yaxud böyük olması təkbaşına bir simptom deyil və raxit xəstəliyi ilə heç bir bağlantısı yoxdur". 

Avromedia.az
N.SAFURA
скачать dle 12.1


Google+ Paylaş
Tumblr Paylaş

FACEBOOK ŞƏRH YAZ