Yeni Agentliyin uğurlar qazanacağına inam böyükdür
Tarix: 14-01-2021, 08:50
Baxılıb: 3 077
Google+ Paylaş
Tumblr Paylaş

Yeni Agentliyin uğurlar qazanacağına inam böyükdür

14-01-2021, 08:50

Media eksperti: «Medianın İnkişafı Agentliyi təkcə donor təşkilat rolunu oynamayacaq»
«Adından və Nizamnaməsindən görünür ki, Medianın İnkişafı Agentliyinin fəaliyyət istiqamətləri genişdir, çoxfunksiyalıdır. Öncə onu vurğulayaq ki, Agentliyin fəaliyyət sahəsinə ənənəvi media ilə yanaşı, onlayn media sferası da daxil edilir. Bu, onlayn medianın tənzimləməsi baxımından ilk rəsmi təsisatdır». Bunu Jurnalistlərin Həmkarlar İttifaqının sədri, Media eksperti Müşfiq Ələsgərli "Azad Azərbaycan"a açıqlamasında bildirib.
Onun sözlərinə görə, Agentlik vasitəsilə onlayn mediaya dövlət dətəyinin göstərilməsi, onlayn media sferasında inkişaf üçün ciddi stimul olacaq. Üstünlüklərdən biri də odur ki, yaradılan qurum təkcə donor təşkilat rolunu oynamayacaq, medianın inkişafı üçün lazım olan bütün addımları atmaq səlahiyyəti vardır: «Agentlik həm də, qlobal informasiya mühitinin müəyyən etdiyi tendensiyalara, trendlərə uyğun olaraq Azərbaycan mediasının bu tendensiyalara uyğunlaşmasını təmin etmək missiyası daşıyır. Yeni informasiya-kommunikasiya texnologiyalarının, innovasiyaların tətbiqinin stimullaşdırılması məqsədilə çevik qərarlar vermək, bu qərarları operativ şəkildə icra etmək səlahiyyətinə malikdir».
M. Ələsgərli Agentliyin icra mexanizminə toxunaraq bildirib ki, Media subyektlərinin fəaliyyətinə mane olan problemləri zamanında dəyərləndirmək, onların aradan qaldırılması üçün həm təkliflər vermək, həm də müəyyən icra fəaliyyətləri etmək üçün mexanizmlərə malik olacaq: «Bir sözlə, Agentlik həm tendensiyaların tətbiqini stimullaşdırmaq yönündə təkliflər hazırlamaq, həm də bu təklifləri tətbiq etmək, icra etmək salahiyyətindədir». 
Media eksperti qeyd edib ki, mühüm məqamlardan biri də, Agentliyə çap mediası və onlayn media sahəsində inzibati xəta əlamətlərini aşkar etmək, bu xətaların aradan qaldırılması üçün Azərbaycan Respublikasının İnzibati Xətalar Məcəlləsinə uyğun olaraq tədbirlər görmək statusunun verilməsidir. Bu status KİV adından istifadə edib çoxsaylı xətalara yol verənlərin əməllərinin qarşısının alınması üçün mühüm addım olacaq: «Agentliyin idarəçiliyi üçün formalaşdırılan komanda da ümidvericidir. Əhməd İsmayılovla görüşümüz olub. Qənaətim budur ki, intellektual, qlobal tendensiyalardan xəbərdar şəxsdir, innovativ təşəbbüsləri qiymətləndirir. Missiyalarını uğurla davam etdirəcəklərinə inam böyükdür».
Bilman İSAQ
скачать dle 12.1


Google+ Paylaş
Tumblr Paylaş

FACEBOOK ŞƏRH YAZ